लक्ष्मण मस्तुरिया के गीत

मोर संग चलवरे मोर संग चलवरे वो गिरे थके हपटे मन, अउ परे डरे मनखे मन मोर संग चलव रे ऽऽ मोर सगं चलव गा ऽऽ। अमरइया कस जुड़ छांव में मोर संग बैठ जुड़ालव पानी पिलव मैं सागर अंव दुख पीड़ा बिसरालव नवा जोंत लव, नवा गांव बर रस्ता नव गढ़व रे। मैं लहरि अंव, मोर लहर मां फरव फूलव हरियावो महानदी मैं अरपा पैरी, तन मन धो हरियालो कहां जाहू बड़ दूर हे गंगा पापी इंहे तरव रे मोर संग चलव रे ऽऽ बिपत संग जूझेबर पानी में बाना बांधे हंव सरग ला पिरथिवी मा ला देहू प्रण अइसन ठाने हंव मोर सुमत के सरग निसैनी जुर मिल सब्बो चढ़व रे मोर संग चलव रे ऽऽ ये कांटा अब मोर डार मा तुंहर फूल झुलाहू तुंहर सुख जिंहू नइ तो किरिया हे मर जाहूं नवा बेरा के नवा जोत मां नवा बिहार करव रे मोर संग चलव जी। मोर संग चलव रे ऽऽ -------------- पता ले जा रे पता दे जा रे गाड़ी वाला पता ले जा दे जा गाड़ी वाला रे तोर गांव के तोर गाँव के तोर काम के पता दे जा पता ले जा रे पता दे जा रे गाड़ी वाला का तोर गांव के नाव दिवाना डाक खाना के पता का नाम का थाना कछेरी के पारा मोहल्ला जधा का को तोरे राज उत्ती बुड़ती रेलवाही का हावे सड़किया पता ले जा रे दे जा रे गाड़ी वाला मया नई चिन्हे देसी बिदेसी मया के मोल न तोल जान बिजति न जाने रे मया मया मयारु के बोल काया-माया सब नाच नचावे भया के एक नजरिया पता ले जा रे पता दे जा रे गाड़ीवाला.. जीयत जागत रहिबे रे बैरी भेजबे कमूले चिठिया बिन बोले भेद खोले रोवे जाने अजाने पिरितिया बिन बरसे उमड़े घुमड़े जीव मया के बैरी बदरिया पता ले जा रे पता दे जारे गाड़ी वाला ...